Thursday, 8 December 2011

ئایدز له‌ كوردستان كۆنترۆل ناكرێت (شيماء سليمان

كه‌سێك گومانى ئه‌وه‌ى لێده‌كرێت هه‌ڵگرى ڤایرۆسى (ئێچ ئاى ڤى) بێت بۆیه‌ به‌ پێویست ده‌زانریت شیكارى خوێنى بۆ بكرێت به‌لاَم له‌به‌ر چه‌ند هۆكارێك كه‌ لاى ئێمه‌ش روون نه‌بوو نه‌توانرا ئه‌و كه‌سه‌ بپشكنین و هه‌ر به‌بىَ پشكنین ده‌یه‌وێت بێته‌ ناو كوردستان، به‌داخه‌وه‌ ده‌توانم بڵێم ئێمه‌ دڵنیانین  له‌ وه‌رگرتنى پشكنینى خوێنى هه‌موو ئه‌و كه‌سانه‌ى له‌ ولاَتانى تره‌وه‌ دێنه‌ ناو هه‌رێمى كوردستان، چه‌ندین حاڵه‌ت هه‌بووه‌ له‌كاتى وه‌رگرتنى خوێن ده‌ركه‌وتووه‌ كه‌ هه‌ڵگرى ڤایرۆسه‌كه‌ن و رێگه‌ نه‌دراوه‌ بێنه‌ ناو هه‌رێم.
له‌ كاتێكدا به‌ پێى وته‌ى به‌رێوه‌به‌رى ته‌ندروستى فرۆكه‌وانى (د.مجید-پسپۆرى نه‌خۆشیه‌كانى هه‌ناو)
  پشكنینى وه‌رگرتنى خوێن له‌ فرۆكه‌خانه‌ى

Friday, 2 December 2011

تۆش وه‌كو من بیر بكه‌وه‌ (نه‌سرین حه‌سه‌ن)




پێى وتم : من و تۆ یه‌كسانین.
وتم : چۆن.
وتى: له‌ مرۆڤایه‌تى
وتم: به‌لاَم پێم وانیه‌ 
وتى: بۆ؟
وتم له‌ به‌ر ئه‌وه‌ى هه‌ستى پىَ ناكه‌م ، نایبنینم ، ئه‌وه‌ ته‌نیا به‌ قسه‌یه‌ ، من كچێكم له‌ دونیاى ئافره‌تانه‌ و تۆش كورِێكى له‌ دونیاى پیاوانه‌دا.
وتى: تێَناگه‌م، بۆچى دوو دونیاى جیاواز، من و تۆ ئه‌و دوو هاورِێیه‌ى جاران نین كه‌ له‌ منداڵیدا یاریمان ده‌كرد: ئێستا بۆ وایه‌؟
وتم: ئه‌و كاته‌ى منداڵ بووین ، به‌لاَم ئێستا وانییه‌ ، ، ئێستا كه‌وتووینه‌ نێو دونیایه‌كى تر، دونیایه‌كى زۆر جیاواز له‌ دونیاى منداڵى، دونیاى گه‌وره‌كان ، به‌راستى دونیایه‌كى ئاڵۆزه‌ ، ئه‌وه‌ى له‌ دونیاى گه‌وره‌كان ده‌یبینى، ، ده‌یبیستى و هه‌ستى پێده‌كه‌ى زۆر جیاوازه‌ ، تێروانین بۆ ژیان، بیركردنه‌وه‌ و هه‌ڵسووكه‌وت ، رێز

Monday, 28 November 2011

عێراق جارێكی دیكه‌ پشتگیرینه‌كردنی سزای نوێی به‌سه‌ر سووریادا ڕاگه‌یاند


وه‌زیری ده‌ره‌وه‌ی عیراقی فیدڕاڵ هه‌ڵوێستی وڵاته‌كه‌یی له‌مه‌ڕ سه‌پاندنی هه‌ر سزایه‌كی ئابووری به‌سه‌ر سورویادا دووپات كرده‌وه‌ كه‌ عیراق دژی هه‌ر جۆره‌ سزایه‌كه‌.

له سه‌رووبه‌ندی هه‌وڵه‌كانی كۆمكاری عه‌ره‌بی بۆ سه‌پاندنی سزای ئابووری به‌سه‌ر رژێمه‌كه‌ی (به‌ساش ئه‌سه‌د)ـدا، بۆ ئه‌وه‌ی ده‌ست له‌ كوشتن و به‌كارهێنانی هێز له‌ دژی خۆپیشانده‌ران هه‌ڵبگرێت، وه‌زیری ده‌ره‌وه‌ی عێراق (هۆشیار زێباری) له‌ كۆنگره‌یه‌كی ڕۆژنامه‌وانیدا له‌ شاری نه‌جه‌ف ڕایگه‌یاند ئێمه‌ وه‌ك ده‌وڵه‌تی عێراق تێبیبن و ته‌حه‌فوزمان له‌سه‌ر سه‌پاندنی سزای ئابووری به‌سه‌ر سووریادا هه‌یه‌ و پشتگیریی لێناكه‌ین.

(نازدار) خەریكی ئەلبوومێكی تازەیه‌


گۆرانیبێژ (نازدار جزیری) كە گوایە ئاهەنگی سەری ساڵ لە شاری دهۆك ساز دەكات و تەنیا بە پڕوپاگەندەی هەندێك لە میدكانی دادەنێت.

ماوەیەكە لە هەندێك لە ڕۆژنامە و گۆڤارەكاندا هەواڵی سازدانی ئاهەنگی سەری ساڵی تازە كە گوایە لە لایەن (نازدار)ـەوە لە دهۆك ساز دەكرێت بڵاو دەكرێتەوە، بەڵام لە پەیوەندییەكی تەلەفۆنیدا (نازدار) بە “هەولێر”ـی ڕاگەیاند كە ئەو هەواڵە دوورە لە ڕاستییەوە و جارێ زوویشە بۆ ئاهەنگی سەری ساڵی نوێ و لە لایەن هیچ كۆمپانیا و لایەنێكیشەوە داواكاریی لەو شێوەیەی ئاراستە نەكراوە.

ئەو گۆرانیبێژە ئاماژە بە تازەترین بەرهەمی خۆی دەدات، كە ئەلبوومێكی گۆرانییە و بە نیازە لە (دیار بەكر) كاری بۆ بكات و لە ئێستایشدا لە خۆ ئامادەكردن دایە و دەڵێت: “نازانم كەی ئەلبوومەكەم دەكەوێتە بەر گوێی گوێگرانم، بەڵام من لە ئێستادا خەریكی تۆماركردنی گۆرانییەكانم و ڕەنگە لە ساڵی 2012ـدا بڵاو بكرێتەوە و لەمە زیاتر هیچ زانیارەییەكی دیكە نادەم تا كاتی خۆی دێت.”


سەرۆك وەزیرانی توركیا لەبری حكوومەت داوای لێبوردن له‌ کورد دەكات


ڕۆژی چوارشەممەی ڕابردوو سەرۆكوەزیرانی توركیا (ڕەجەب تەیب ئەردۆغان) بە بوێرانەوە لاپەڕەیەكی ڕەشی مێژووی توركیای هەڵدایەوە كە تێیدا هەزاران كورد كوژران.

ناوبراو ڕایگەیاند ئەگەر پێویست بكات حكوومەت داوای لێبوردن بكات ئەوا ئەو وەكوو سەرۆكوەزیرانی ئێستای توركیا و بە ناوی حكوومەتەوە داوای لێبوردن دەكات.

ئەم هەنگاوەی (ئەردۆغان) بە لای نووسەران و ڕۆشنبیرانەوە زۆر بە گرنگ ناودەبرێت و پێیان وایە كاتی ئەوە هاتووە ڕاستییەكان نەشاردرێنەوە و كار بۆ ئاشتبوونەوە بكرێت. 

داوای لێبوردنكردن 
سەرۆكوەزیرانی توركیا لە میانەی پێشكەشكردنی گوتەیەكدا بۆ بەرپرسانی پارتیی داد و گەشەپێدان ڕایگەیاند لە ساڵانی سییەكانی سەدەی ڕابردوودا كوردەكان لە دەرسیم بە كۆمەڵ كوژران و ئەگەریش پێویست بكات حكوومەت داوای لێبوردن بكات ئەوا “من وەكوو سەرۆكوەزیرانی وڵات داوای لێبوردن ”لە كوردەكان دەكەم لە بەرانبەر ئەو كارەدا.

یه‌كه‌مین كۆمپانیای تاكسی ئافره‌تان له‌ كوردستاندا دامه‌زێنرا



خانمێك له‌ هه‌رێمی كوردستاندا یه‌كه‌مین كۆمپانیای تاكسی تایبه‌ت به‌ ئافره‌تان ده‌كاته‌وه‌.

(لانا خۆشابا) ئه‌و خانمه‌ ته‌مه‌ن 25 ساڵیه‌یه‌ كه‌ له‌ "عه‌ینكاوه‌"ـی شاری هه‌ولێر كۆمپانیایه‌كی تایبه‌ت به‌ تاكسی خانمانی دامه‌زراندووه‌.

(خوشابا) به‌ ئاژانسی هه‌واڵی ڕۆیته‌رزی ڕاگه‌یاندووه‌ ئه‌م ئه‌زموونه‌ له‌ وڵاتانی لوبنان و ئیماراتدا تاقیكراوه‌ته‌وه‌ و سه‌ركه‌وتنی به‌رچاوی به‌ده‌ستهێناوه‌، هه‌ر بۆیه‌ ئێمه‌یش بیرمان كرده‌وه‌ كه‌ بۆچی هه‌مان ئه‌زموون له‌ هه‌رێمی كوردستانیشدا تاقی نه‌كه‌ینه‌وه‌.

په‌رله‌مانی كوردستان جلوبەرگی كوردی، نه‌ك نیشتیمانی، گەنگەشە دەكات


ئەندامی لیژنەی یاسایی لە پەرلەمانی كوردستان (د. ئەحمەد وەرتێ)، لە لێدوانێكیدا بۆ "هەولێر" ئاماژەی دا كە مەسەلەی دەوامكردنی ئەندامانی پەرلەمان لە سەرەتای هەر وەرزێكی پەرلەماندا خوێندنەوەی یەكەمی بۆ كراوە و لە دانیشتی ئەمڕۆی پەرلەمانیشدا گەنگەشەی لەسەر دەكرێت.

(د. ئەحمەد)، ئەوەیشی ڕوون كردەوە كە پڕۆژەكە پێشنیازی ئەوەی كردووە كە لە سەرەتای هەموو وەرزێكی پەرلەماندا ئەندامانی پەرلەمان بە جلوبەرگی كوردییەوە دەوام بكەن، بۆیە پێی وایە كە

کەناڵی ئێن ئاڕ تی داوای لێبووردنی کرد



دوای ئەوەی گوتەبێژی دەستگەی ڕۆشنبیری و ڕاگەیاندنی پارتیی دیموکراتی کوردستان ڕوونکردنەوەیەکی لەسەر چاوپێکەوتنەکەی (دڵدار زێباری) لە کەناڵی nrt بڵاو کردەوە، کەناڵی ناوبراو لە ڕوونکردنەوەیەکدا داوای لێبووردنی کرد. 

شەوی پێنجشەممەی ڕابردوو کەناڵی “ئێن ئاڕ تی” چاوپێکەونێکی لەگەڵ جێگری سەرۆکی ئەنجوومەنی پارێزگای مووسڵ (دڵدار زێباری)ـدا ساز دا. 

ناوبراو لە میانەی چاوپێكەوتنەكەدا هەندێک بیروبۆچوونی خۆی لە بارەی ڕووداوە مێژووییەکانەوە خستە ڕوو، هەروەها ئاماژەی بە ململانێی مێژووییەکانی خۆیان دا.

ژیاننامه‌ی ئه‌و خانمه‌ دۆست و دڵسۆزه‌ی كه‌ به‌ "دایكی كوردان" ناسرابوو


دوێنێ سێشەممە، دۆستی دێرینی گەلی كورد و خێزانی سەرۆكی پێشووتری فەڕەنسا خاتوو (دانیال میتران) كە هاوكات سەرۆكی ڕێكخراوی "ئازادی-فەڕەنسی"ـە، بە هۆی كێشەی كۆئەندامی هەناسەوە لە تەمەنی 87 ساڵیدا لە نەخۆشخانەی "جیۆرجیس پۆمپیدۆ"ـدا، كۆچی دوایی كرد.


"خەمخۆری مافی كورد و دۆستی نەتەوەی كورد" ناوەڕۆكی زۆرینەی ئەو بابەتانەی مێدیاكانی دەرەوەن كە هەواڵی كۆچی دوایی (دانیال میتران) ڕووماڵ دەكەن و باس لە كارە مرۆییەكانی ئەو خاتوونە دەكەن. 

Sunday, 27 November 2011

دوا وه‌سێتی گابریل گارسیا مارکیز





گه‌ر خودا مۆڵه‌تم بدا و قه‌یرێکی تر بژیم، ئه‌وا به‌ هه‌موو توانام ده‌ژیم.

هه‌موو ئه‌و شتانه‌‌ نابێژم که‌ به‌ ده‌ممدا دێن، به‌ڵکو بیرده‌که‌مه‌وه‌ ئینجا ده‌یانپه‌یڤم.

شته‌کان به‌های خۆیان ده‌ده‌مێ، نه‌ک به‌و ته‌رزه‌ی له‌ دونیادا هه‌ن، به‌ڵکو به‌و مانایانه‌ی که‌ له‌ بووندا هه‌ڵگرین‌.

که‌م ده‌نووم و خه‌ون زۆر ده‌بینم.

چونکه‌ هه‌ست ده‌که‌م هه‌موو ده‌قیقه‌یه‌ک که‌ پێڵوو لێک ده‌نێین، شه‌ست چرکه‌مان له‌ ڕووناکیی لێ به‌ زایه‌ ده‌ڕوات.

گه‌ر خودا شتێکم له‌ ژیانێکی نوێ بداتێ، ئه‌وا بۆ خه‌ڵکی ده‌سه‌لمێنم چه‌ند هه‌ڵه‌ن که‌ پێیانوایه‌ کاتێک‌ گه‌وره‌ ده‌بن ناتوانن عاشق ببن، به‌بێ ئه‌وه‌ی بزانن پیریی کاتێک دێت که‌ مرۆڤ کۆڵ له‌ عاشقبوون ده‌دات.

باڵ ده‌به‌خشمه‌ منداڵان، به‌ڵام لێده‌گه‌ڕێم خۆیان فێری فڕین ببن.

به‌ پیره‌کان راده‌گه‌یه‌نم مردن له‌ کاتی خۆیدا نایه‌ت، به‌ڵکو زۆر به‌ر له‌ کاتی خۆی دێت، ئه‌و کاته‌ دێت که‌ مرۆڤ مانای ژیان ون ده‌کات.

ئه‌ی مرۆڤ من زۆر شتتان لێوه‌ فێربووم.

هه‌مووتانم بینی که‌ ده‌تانویست له‌ ترۆپکی چیادا بژین، به‌ڵام رۆژێک له‌ رۆژان نه‌تانزانی نهێنی به‌خته‌وه‌ریی له‌ ترۆپکدا نییه‌، به‌ڵکو له‌ هه‌ڵگژان به‌ چیاکه‌دایه‌.

فێربووم منداڵی ساوا کاتێ بۆ یه‌که‌مجار توند په‌نجه‌کانی باوکی ده‌گرێ، واته‌ بۆ ئه‌به‌د ده‌یانگرێ.

فێربووم مرۆڤ مافی ئه‌وه‌ی هه‌یه‌ له‌ سه‌ره‌وه‌ڕا له‌ خواره‌وه‌ بنۆڕێت به‌ڵام ته‌نها کاتێک که‌ یارمه‌تی که‌سێکی تر له‌ هه‌ستانه‌وه‌دا ده‌دات.

زۆر شتتان لێوه‌ فێربووم ... به‌ڵام ئێستا که‌مه‌کێک له‌و شتانه‌م به‌ که‌ڵک دێن، چونکه‌ کاتێ له‌ جانتاکه‌مدا رێکیان ده‌خه‌م ئیدی ره‌نگه‌ له‌ ژیاندا نه‌مابم.

ئه‌وه‌ بڵێ که‌ بڕوات پێیه‌تی ... ئیمان بکه‌ره‌ هه‌ڵوێست و کردار.

فێر بووم هه‌ست و سۆزم نه‌شارمه‌وه‌.

گه‌ر بمزانیبا ئه‌مه‌ دواجاره‌ به‌ نوستوویی ده‌تبینم، ئه‌وا توند باوه‌شم پێدا ده‌کردیت و له‌ خودا ده‌پاڕامه‌وه‌ که بمکاته‌ پاسه‌وانی رۆحی تۆ.

گه‌ر بمزانیبا ئه‌مه‌ دوایین ده‌قیقه‌ی پێکه‌وه‌ییمانه‌ ئه‌وا ڕاشکاوانه‌ پێمده‌گوتیت خۆشم ده‌وێیت و به‌ شه‌رمه‌وه‌ فه‌رامۆشی ئه‌وه‌م ده‌کرد که‌ تۆ ده‌زانیت خۆشم ده‌وێیت.

هه‌میشه‌ رۆژێک‌ به‌ڕێوه‌یه‌ دێت و ژیان هه‌لومه‌رجی نوێمان پێده‌به‌خشێ تا کاری باشتر بکه‌ین، به‌ڵام گه‌ر بشێ من هه‌ڵه‌ بم و ئه‌مه‌ دوایین رۆژم بێت، ئه‌وا بێگومان به‌ ده‌نگی به‌رز پێت ده‌ڵێم '' خۆشم ده‌وێیت و پڕ پڕم له‌ یاده‌وه‌ری تۆ ''

سبه‌ی گه‌ره‌نتی نییه‌ نه‌ بۆ لاو و نه‌ بۆ پیر.

ڕه‌نگه‌ ئه‌م ساته‌ت دوا ده‌رفه‌تت بێت بۆ بینیی ئه‌و که‌سه‌ی که‌ خۆشت ده‌وێت.

زیاتر له‌وه‌ چاوه‌ڕێ مه‌به‌، ئه‌مڕۆ وا مامه‌ڵه‌ بکه‌ وه‌ک ئه‌وه‌ی‌ سبه‌ینێ نه‌یه‌ت، ئه‌گه‌رنا ئه‌وا له‌و ده‌رفه‌ته‌ په‌شیمان ده‌بیت که‌ بۆ زه‌رده‌خه‌نه‌ و له‌ ئامێزگرتنێک نه‌تقۆسته‌وه‌، یان سه‌رقاڵ بوویت و دوایین ئومێدی خۆت به‌ چ که‌سێک نه‌گوت.

پارێزگاری له‌ نزیکی خۆت به‌و که‌سه‌وه‌ بکه‌ که‌ خۆشت ده‌وێ، ئاگاداری به‌ و ره‌زیلیی مه‌نوێنه‌‌ که‌ پێی بڵێیت‌ پێویستت پێیه‌تی، کاتی گونجاو بڕه‌خسێنه‌ تا وشه‌گه‌لی وه‌ک :'' تێتده‌گه‌م، بمبووره‌، بێ زه‌حمه‌ت، سوپاس '' و هه‌موو ئه‌و وشه‌ خۆشانه‌ی تری پێبڵێیت که‌ ده‌یانزانیت.

که‌س ئه‌و هه‌ستانه‌ت بیر ناخاته‌وه‌ که‌ حه‌شارت داون و نه‌تدرکاندوون، له‌ خودا داوای گوڕی ده‌ربڕین و حیکمه‌تی وشه‌ بکه‌.

چ دوودڵ مه‌به‌ له‌وه‌ی ڕاشکاوانه‌ به‌ هاوڕێ و ئازیزانت بڵێیت که‌ بێ ئه‌ندازه‌ گرنگن له‌لات.

منم ژه نه رالی پاییز


                         منم ژه نه رالی پاییز 
                            
منی هه‌رگیز ئۆقره‌نه‌دیو
ژنه‌راڵم... ژه‌نه‌ڕاڵی هه‌زاره‌ها داری رووت و
ملیاره‌ها گه‌ڵای وه‌ریو

***
منم ژه‌نهراڵی پاییز...  
کاسکێته‌که‌ی سه‌رم هه‌وره‌ و 
ئه‌ستێره‌کانی سه‌ر شانم چه‌ند گه‌ڵایه‌ک به‌ڕه‌نگی زیو 
پاڵتۆی به‌رم کزه‌بایه‌و
شمشێره‌که‌م لقی دره‌ختێکی ڕزیو
***
منم ژه‌نه‌راڵی پاییز
خوێنێکی زه‌رد به‌نێو ده‌مارما ده‌گه‌ڕێ و
چاوم هه‌روه‌ک هه‌ور نمناک
ته‌نیا من بووم که‌له‌تابووتی شوشه‌دا
چه‌ندین گه‌ڵام سپارد به‌خاک
***
منم ژه‌نه‌راڵی پاییز
من بووم له‌گه‌ڵ زریانی بیرچوونه‌وه‌دا... که‌وتمه‌جه‌نگو
زۆرگه‌ڵام ده‌رهێنا له‌چنگ
من بووم شه‌وی گه‌لاکانم... 
خسته‌ژێر باڵی تریفه‌و، ورشه‌ی گزنگ
***
منم ژه‌نه‌راڵی پاییز
پایز به‌بی من هه‌تیوه‌و
من بووم وتم به‌ڵێ ته‌رمی نسێی سه‌وزه... 
گه‌ڵای وه‌ریوی کۆچ کردوو
ته‌نیا منم که‌له‌میحرابی پاییزا... 
بۆ گیانی زیندووی گه‌ڵاکان... 
نوێژی شه‌هید دائه‌به‌ستم... ناوی نانێم نوێژی مردوو

جه‌مال غه‌مبار


تۆ ئه‌ی له‌ بێداری من هۆشیار تر..
ئه‌ی له‌ فه‌رشی فڕیوی سه‌ر نیشتمانه‌ چۆڵه‌که‌م
خه‌مچن و هه‌لا هه‌لاتر..!

ئه‌م هه‌فته‌یه‌'' له‌ جیاتی ئه‌م شیعره‌
ده‌ریاوانێک به‌ خۆی و دنیایه‌ک مرواری پرسیارو
به‌ خۆی و باوه‌شێک ڕوبیانی سه‌رسوڕمانه‌وه‌
دێته‌ لات و لێت ده‌پرسێت:
- ئه‌م هه‌موو غه‌ریبیه‌ت له‌ کوێ هێنا؟
چۆن فریا که‌وتی ته‌وقه‌ له‌گه‌ڵ
ئه‌و هه‌زاران پایزه‌ بکه‌یت
که‌ به‌ خۆیان و مانگ و هه‌ور و ڕه‌نگی زه‌ردیانه‌وه‌
بۆ پێشوازی تۆ هاتون
سه‌ڵایان له‌ دیدارت ئه‌دا؟!

جه‌مال غه‌مبار


نیوه‌ڕۆی ئه‌و ڕۆژه‌ ، سه‌بای ئه‌ڤینێک هه‌ڵده‌کات
ئه‌ڤینێک پێشترێ له‌ هیچ ئاسمانێ نه‌باریوه‌و
سه‌بایه‌ک پێشترێ له‌ هیچ به‌هه‌شتێ نه‌ڕواوه‌ .
ئێواره‌ی ئه‌و ڕۆژه‌ ، مانگ به‌و هه‌موو نازه‌ی خۆیه‌وه‌
به‌ گۆرانیی دێته‌ خوارێ ، سه‌ردانی دڵی هه‌موومان ده‌کا !
ڕۆژێک دێت ؛ ئه‌و ڕۆژه‌ ناو ده‌نێین ' ڕۆژی داگیرسانی دڵ '
یان ' ڕۆژی هه‌ڵبونی عاشقان ' و ،
ئێواره‌ی ئه‌و ڕۆژه‌ من و تۆش
له‌ باخچه‌ی پشته‌وه‌ی نیشتمان پێکده‌گه‌ین
یه‌ک کۆڵان له‌ولای ماڵه‌که‌ی جارانی ته‌نیایی پێکده‌گه‌ین !
من که‌ دێم ، به‌وه‌دا بمناسه‌وه‌ ؛ کراسێک له‌ گه‌ڵا و
پاڵتۆیه‌ک له‌ ته‌مم له‌به‌ردایه‌ ،
ده‌ستم پڕه‌ له‌ غه‌ریبیی و
چاوه‌کانم پڕن له‌ خۆت !

جەمال غەمبار


که‌ پێکده‌گه‌ین ، ئه‌وسا پێتده‌ڵێم عیشق چه‌ند خاڵییه‌ بێ تۆ ! 
ئه‌وسا پێتده‌ڵێم خه‌وبینین به‌ سه‌فه‌ره‌وه‌ یانی چیی !
ئه‌وسا بۆتی شه‌رحده‌که‌م ؛ بۆچی له‌ کۆتایی هه‌موو سه‌مایه‌کدا
حه‌زده‌که‌ین باران بمانباته‌وه‌ بۆ خۆی !
که‌ پێکده‌گه‌ین ؛ گیتاری شیعرێکت ئه‌ده‌مێ
تا عیشقه‌که‌ی جارانم بۆ بژه‌نیت !
که‌ پێکده‌گه‌ین ؛ ده‌ستی بارانت ئه‌ده‌مێ
تا ڕۆحی په‌ژمورده‌ت وه‌کو جاران ته‌ڕ که‌مه‌وه‌!
که‌ پێکده‌گه‌ین ، مه‌گه‌ر هه‌ر خودا و مانگه‌شه‌و بزانن چۆن پێکده‌‌گه‌ین !


جه‌مال غه‌مبار


کام گۆرانیه‌ بچڕیت
کام خه‌مه‌ بچنیته‌وه‌
هه‌ر یه‌ک مردن چاوه‌ڕێته‌و
هه‌ر یه‌ک گۆزه‌ی خه‌یاڵ
ئه‌تباته‌وه‌ لای سه‌مای کانییه‌کانی عه‌ده‌م،
دڵ خۆش به‌ دڵ خۆش...
به‌س نییه‌ مردنێک هه‌یه‌ ته‌نهاییت لێ ئه‌سه‌نێت ..!!


ڤیستیڤاڵی‌ عیراقی‌ نێوده‌وڵه‌تی‌، 2 خه‌ڵات به‌خشرایه‌ فیلمه‌ كوردییه‌كان





له‌ ڤیستیڤاڵی‌ عیراقی‌ نێوده‌وڵه‌تی‌ بۆ كورته‌ فیلم كه‌ له‌نیوه‌ی‌ دووه‌می‌ ئه‌م مانگه‌ به‌ڕێوه‌چوو له‌نێو 20 وڵاتی‌ جیهان ده‌رهێنه‌رانی‌ سلێمانی‌ توانییان دوو خه‌ڵاتی‌ یه‌كه‌م به‌ده‌ست بێنن.

رۆژانی‌ 17و 18و 19ی‌ ئه‌م مانگه‌ له‌شاری‌ به‌غدا ڤیستیڤاڵی‌ عیراقی‌ نێوده‌وڵه‌تی‌ بۆ كورته‌فیلم به‌ڕێوه‌چوو، به‌شێوه‌یه‌ك له‌ 20 وڵاتی‌ جیهانه‌وه‌ ده‌رهێنه‌ران به‌ كورته‌ فیلمه‌كانیان

Thursday, 24 November 2011

داهێنانی سیستەمی خوێندنی پاڕاڵێل لە زانكۆو پەیمانگاكان


پڕۆفیسۆر دلاوەر عەبدولعەزیز عەلائەدین

لەوەتەی هەرێمی كوردستان لەدەست رژێمی كۆن رزگاری بووە، دەزگاكانی خوێندنی باڵا روویان هەر بەرەو گەشەكردن و پەرەسەندن بووە. هاوكات، ژمارەی دەرچووانی ئامادەیی و خوازیارانی تری خوێندنی باڵا بەردەوام رووی لە زیادیی بووە. دیارە كە رێژەی زیادبوونی خوازیارانی خوێندن زۆر زیاترە لە توانای زانكۆ بۆ وەرگرتن و لەهەمانكات بەرز راگرتنی ئاستی كواڵیتی لە خوێندن، وە زیاترە لە توانای حكومەت بۆ دابینكردنی بودجەی پێویست.

مێشکی (ئه‌نیشتاین) نمایشده‌کرێت


دواى 50 ساڵ له دابه‌شکردنی مێشکی به‌سه‌ر چه‌ندین نه‌خۆشخانه‌ و لێکۆڵه‌ره‌وه‌ی جیهان، وابڕیاره‌ به‌شێک له‌ مێشکی (ئه‌لبێرت ئه‌نیشتاین)ی زانای گه‌وره‌ی جیهان له‌ فیزیادا له ‌یه‌کێک له‌ مۆزه‌خانه‌کانی شاری فیلادیفیای ئه‌مه‌ریکا نمایشبکرێت.
رۆژنامه‌ی (فیلادیفیا ئینکوایر) بڵاویکردوه، زانایاکی بواری مێشک به‌ناوی (کوسی رۆک) به‌شێک له‌ ماده‌ی خۆڵه‌مێشی مێشکی ئه‌نیشتاینی کردوه‌ به ‌دیاری بۆ مۆزه‌خانه‌ی (مۆتر)ی سه‌ر به‌ کۆلێژی پزیشکی شاری فیلادیفیا به‌مه‌به‌ستی نمایشکردنی.
ئه‌لبێرت ئه‌نیشتاین به‌ یه‌کێک له‌ زانا زیره‌که‌کانی سه‌ده‌ی 20ه‌م داده‌نرێت و دوای مردنی به‌ 7 سه‌عات، مێشکی ‌ده‌ر‌هێنراوه‌ و دواتریش به‌مه‌به‌ستی لیکۆڵینه‌وه‌، به‌ چه‌ند پارچه‌یه‌ك دابه‌شكراوه‌ به‌سه‌ر چه‌ندین نه‌خۆشخانه‌ و لێکۆڵه‌ره‌وه‌.

رۆژی 25ی نۆڤەمبەر ئاوازێك بۆ ئازادی


رۆی (25)نۆڤەمبەر بووەتە رۆژی جیهانی رووبەڕووبوونەوەی توندوتیژی لە دژی ژنان، لە رۆژی 25ی نۆڤەمبەری ساڵی 1960دا خۆشكانی میراباڵ (پاتریشیا، مینراوو تێرێزا)كاتێك لە چاوپێكەوتنی مێردە زیندانییەكان دەگەڕانەوە لەلایەن هێزەكانی پۆلیسی نهێنی ژەنەراڵ (ترۆجیلۆ)ی دیكتاتۆری ئەو كاتەی دۆمینیكانەوە ناسرابوو رفێنرانو راپێچی كیڵگەكانی قامیشە شەكرو شوێنی ئەشكەنجەدانی ئەو رژێمە كرانو بەشێوەیەكی دڕندانە كوژران.

Wednesday, 23 November 2011

Jadooye Mahtob By Siavaosh Sohrab

Pahimon By Afshin azari ft Nasim

Dariush

سه‌فیه‌ سوهێل باڵاترین خه‌ڵاتی‌ ئافره‌تان له‌ ئیتاڵیا وه‌رده‌گرێت


سه‌فیه‌ سوهێل، سیاسه‌تمه‌دار‌و ئه‌ندامی‌ په‌رله‌مانی‌ عیراق  خه‌ڵاتی‌ ساڵی‌ (2011)ی‌ دامه‌زراوه‌ی‌ (مینیرفا ـ ئانا ماریا مامولیتی‌) ئیتاڵی‌
پێ به‌خشرا، كه‌ تایبه‌ته‌ به‌ زانستی‌ ئافره‌تان.

سه‌رچاوه‌یه‌ك له‌ په‌رله‌مانی‌ عیراق ئاشكرایكرد:  دامه‌زراوه‌ی‌ (مینیرفا ـ ئانا ماریا مامولیتی‌) ئیتاڵی‌، سه‌فیه‌ سوهێل، سیاسه‌تمه‌دار‌و ئه‌ندامی‌ په‌رله‌مانی‌ عیراقی‌ ده‌ستنیشانكردووه‌ بۆ وه‌رگرتنی‌ خه‌ڵاتی‌ ساڵانه‌ی‌ خۆی‌، كه‌ ده‌به‌خشرێته‌ كه‌سایه‌تییه‌ ئافره‌ته‌ سیاسه‌تمه‌داره‌كان له‌به‌ر چالاكی‌ سیاسییان.

له‌ سه‌رجه‌م شاره‌کان نوسینگه‌ی چاودێرى توندوتیژی ئافره‌تان ده‌کرێته‌وه‌

وه‌زاره‌تی ناوخۆی هه‌رێمی کوردستان رای گه‌یاند که‌ ئه‌وان بریاریان داوه‌ به‌ کردنه‌وه‌ی نوسینگه‌ی زیاتر بۆ به‌دواداچوونی به‌کارهێنانی توندوتیژی دژی ئافره‌تان له‌ هه‌موو شاره‌کانی هه‌رێمی کوردستان 


له‌ میانه‌ی لێدوانه‌کانیدا بۆ سومه‌ریه‌ نیوز وه‌زیری ناوخۆی هه‌رێم که‌ریم شه‌نگاری ئه‌وه‌ی راگه‌یاندووه‌ که‌ ئه‌وان ئێستاکه‌ سه‌رقالی کردنه‌وه‌ی نوسینگه‌ی نوێن بۆ رووبه‌رووبونه‌وه‌ و به‌دواداچوون دژی ئافره‌تان و برایره‌ له‌ شاره‌کانی کوردستان ئه‌م نوسینگانه‌ بکرێنه‌وه‌ بۆ رێگرتن له‌ توندوتیژی دژی ئافره‌تان 


هه‌روه‌ها ئاماژه‌ی به‌وه‌دا که‌ ئه‌وان به‌رده‌وام به‌دواداجوون ده‌که‌ن سه‌باره‌ت به‌ نوسینگه‌کانی نه‌هێشتنی توندوتیژی دژی ئافره‌تان له‌و شوێنانه‌ی که‌ هه‌ن و بریاریشه‌ له‌ ته‌واوی کوردستان ئه‌م نوسینگانه‌ بکرێنه‌وه‌


له‌ درێژه‌ی قسه‌کانیدا که‌ریم شه‌نگاری ئه‌وه‌ی راگه‌یاند که‌ ئێستاکه‌ 13 نوسینگه‌ی نه‌هێشتنی توندوتیژی هه‌یه جگه‌ له‌ سێ به‌رێوه‌به‌رایه‌تی له‌ پارێزگاکانی هه‌رێم هه‌ن