Sunday, 27 November 2011

جه‌مال غه‌مبار


تۆ ئه‌ی له‌ بێداری من هۆشیار تر..
ئه‌ی له‌ فه‌رشی فڕیوی سه‌ر نیشتمانه‌ چۆڵه‌که‌م
خه‌مچن و هه‌لا هه‌لاتر..!

ئه‌م هه‌فته‌یه‌'' له‌ جیاتی ئه‌م شیعره‌
ده‌ریاوانێک به‌ خۆی و دنیایه‌ک مرواری پرسیارو
به‌ خۆی و باوه‌شێک ڕوبیانی سه‌رسوڕمانه‌وه‌
دێته‌ لات و لێت ده‌پرسێت:
- ئه‌م هه‌موو غه‌ریبیه‌ت له‌ کوێ هێنا؟
چۆن فریا که‌وتی ته‌وقه‌ له‌گه‌ڵ
ئه‌و هه‌زاران پایزه‌ بکه‌یت
که‌ به‌ خۆیان و مانگ و هه‌ور و ڕه‌نگی زه‌ردیانه‌وه‌
بۆ پێشوازی تۆ هاتون
سه‌ڵایان له‌ دیدارت ئه‌دا؟!

No comments:

Post a Comment